Admins | Дата: Понедельник, 15.07.2013, 14:41 | Сообщение # 1 |
аспирант
Группа: Администраторы
Сообщений: 273
Статус: Offline
| Тропарь. Покрову Пресвятой Богородицы.Днесь благовернии людие / светло празднуем, / осеняеми Твоим, Богомати, пришествием, / и к Твоему взирающе пречистому образу, умильно глаголем: / покрый нас честным Твоим Покровом/ и избави нас от всякаго зла, / молящи Сына Твоего, Христа Бога нашего, / спасти души наша.
Тропарь. Положению честного пояса Пресвятой Богородицы.
Богородице Приснодево, человеков покрове, / ризу и пояс пречистаго Твоего телесе, / державное граду Твоему обложение даровала еси, / безсеменным рождеством Твоим нетленна пребывающи, / о Тебе бо и естество обновляется и время. / Темже молим Тя мир граду Твоему даровати / и душам нашим велию милость.
Тропарь. Явлению Пресвятой Богородицы преподобному Сергию Радонежскому. В преславнем явлении Твоем, Дево Богородице, / припаде к стопам Твоим преподобный авва Сергий / и мольбу о святей обители изрядно сотвори, / да Твоим Матерним ко Христу предстательством / усердно присно ходатайствуеши / о всех под священный покров Твой прибегающих, / просящи нам оставления грехов и велия милости.
|
|
| |